"Vostre grand-père se nommoit Antoine de Brichanteau, fils de messire Nicolas de Brichanteau, chevalier de l’ordre, capitayne de cinquante hommes d’armes, seigneur de Beauvais-Nangis, et de dame Jeanne d’Aguerre, laquelle estoit fille de messire Jean d’Aguerre, baron de Vienne, grand maistre de Loreyne et de dame Jacqueline de Lénoncourt.Ledit Nicolas de Brichanteau fut pris prisonnier et blessé à la bataille de Dreux, en l’an 1562 ; et ayant esté rachapté de troys mille escus de rançon, qui estoit lors une grande somme, il mourut de sa blessure, en sa maison, en l’an 1563, le Il laissa Antoine de Brichanteau, son seul fils, aagé d’onze ans, et deux filles, l’une nommée Marie, quy fut depuys mariée à messire Claude de Beaufremont, baron de Senecey, et Françoise, depuys mariée à messire Louys de l’Hospital, seigneur de Vitry."