"Sire, au mois d’aoust dernier, estant le compte de Montgomery en ceste frontiere avec son armée fit semblant de se voulloir ruer sur ceste ville, comme souvant en avions des advertissemans ; et d’aultant que du cousté du chasteau neuf et puis le bastion Sainct-Jacques jusques à la tour du Sainet-Esprit, les repparations encommencées sont en tel estat que en divers endroictz elle est subjecte à une escallade, comme est à ung recoing de mur, lequel soustient les cheynes traversans la rivière, nous nous assemblasmes avec voz officiers chez Monsieur le viscompte d’Orthe, nostre gouverneur, pour deliberer de ce qu’estoict à faire pour la deffandre."